सी – टीईटी देणाऱ्या शिक्षकांना निवडणूक कामातून सूट

राज्य शिक्षक परिषदेच्या पाठपुराव्याला यश

दै. ठाणे जीवनदीप वार्ता

कल्याण : केंद्रीय शिक्षक पात्रता परीक्षा सीईटी देणाऱ्या शिक्षकांना जिल्हा परिषद व पंचायत समिती निवडणुकांच्या कर्तव्यातून सूट देण्यात आली असून तसे निर्देश सर्व संबंधित जिल्हाधिकाऱ्यांना राज्य निवडणूक आयोगाने दिले आहेत. उपमुख्यमंत्री अजित पवार यांच्या निधनामुळे राज्यात तीन दिवसाचा दुखावटा जाहीर करण्यात आल्यावर 12 जिल्हा परिषद व 125 पंचायत समित्यांच्या सार्वत्रिक निवडणुकांच्या मतदानाच्या तारखेत बदल करण्यात आला. त्यानुसार आता दिनांक पाच ऐवजी सात फेब्रुवारीला मतदान होणार आहे. त्याचवेळी राज्यातील सीटीईटी परीक्षा असल्यामुळे संबंधित शिक्षकांना निवडणूक कर्तव्यातून सूट देऊन पर्यायी व्यवस्था करण्याबाबत संबंधित जिल्हाधिकाऱ्यांना निर्देश देण्यात आले आहेत. सीएटी परीक्षा आणि निवडणुकीचे काम एकाच वेळी गोंधळ पाहता महाराष्ट्र राज्य शिक्षक परिषदेचे राज्य अध्यक्ष वेणूनाथ कडू यांनी सर्वत्र पत्र व्यवहार करत गोंधळातून मार्ग काढण्याचे निवेदन दिले. भारतीय जनता पार्टीचे राज्य  अध्यक्ष रवींद्र चव्हाण यांनी तातडीने परिषदेच्या पत्राची दखल घेत पाठपुरावा केला व सीटीईटी देणाऱ्या शिक्षकांना निवडणुक कामातून सूट मिळवली. परिषदेचे कोकण विभाग अध्यक्ष गुलाबराव पाटील, कार्यवाह लक्ष्मण वालगुडे व अन्य पदाधिकाऱ्यांनी चव्हाण यांचे धन्यवाद व्यक्त करत आभार मानले.